PANTUN BANJAR – ampun ulun sorang (Oktober 2010)

 

by Maria Roeslie on Saturday, October 23, 2010 at 9:13am ·
 
rami bakisahan kada laki kada bini…

duduk balampar ba’alas tikar…

takarut takulibi muha nini…

talihat kai bapandiran wan galuh langkar…

 

October 28 at 11:44pm

 

galapung gandum galapung baras,

kawa diulah gasan karipik gaguduh,

muha pian mambari maras,

kada purun ulun manuduh

 

October 24 at 10:37pm

 

Cagar tulak hanting poto ka tapian

Handak baramian bakudakan

Ulun handak banar bakumpulan wan pian pian

Mudahan cuaca mandukung kita sabarataan

 

October 22 at 12:03am

 

Hibak almari wan kapur barus

Bubuhan kacua bukah manggasak

Uyuh ulun amun bapantun tarus

Kadada bahan bahasanya makin takasak

 

October 11 at 9:01pm

 

Parut lapar mangutil pisang palimbang,

Harum manis manampur harumnya,

Jangan pian maumpati ulun nang suka bimbang,…

Kaina ulun tasarudup pian tasarudup makin nya.

 

October 10 at 6:05pm

 

Kulitnya coklat bangaran buah lengkeng, …

Untung nya tarasai jua biar adanya babaya …

Akhirnya ada jua nang mamuji akan ulun bangkeng…

Tarima kasih banyak dingsanak nang badiam di Surabaya …

 

October 9 at 2:00pm

 

Bawah Lima Tahun dikanal Balita…

Bawah Tiga tahun dikanal Batita…

Bungas galuh nang bangaran Lanny Angelita,…

Tarang sapalindangan ibarat palita…

 

October 8 at 8:02pm

 

Kada kawa dikulim akan mangga kuini,…

Manampur harum walau di kalilingi daun jaruju…

Wahai urang nang dimaksud kaka ku ini,..

Ba’untung batuah urang nang sidin katuju…

 

October 8 at 8:11pm

 

Nagara tatangga bangaran Malaysia

Jaraknya hanya sajauh mambuang jangkar

Dasar bungas dingsanak nang bangaran Theresia

Dari bahari sampai wayah ini tatap langkar

 

October 8 at 7:31pm

 

Limau banjar limau kuit, …

Iwak sapat iwak karing, …

Jar habar main pilem tu banyak duit, …

Lamun hibak jua barita barita miring

 

October 8 at 6:47am

 

iwak ranyah iwak bilis, ..

jar urang urang bangaran jua iwak tari, ..

dasar nyaman banar nang bangaran wadai lapis, …

apalagi mun sudah manunggu kiriman bahari-hari.

 

October 7 at 8:26pm 

 

Bulik bagawi langsung mauntal karipik gumbili,…

Dikawali wan sacangkir jus buah kiwi,…

Kawal bahari bajanji handak maambili, ..

Nyaman jua kalu pang handak dibawa’i bagawi…

 

October 6 at 7:20pm  

Leave a comment

Filed under Uncategorized

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s