PANTUN BANJAR – ampun ulun sorang ( NOVEMBER 2010 )

 

by Maria Roeslie on Tuesday, November 30, 2010 at 10:53pm ·
 
iwak basisingut iwak panting

licin banar awaknya apa’mun balandir

katitinggian bakoyo bisa tabanting

apalagi urang sugih nang dibawa bapandir

 

November 30 at 10:47pm

 

Lapas dinihari ngarannya baisukan

Tatawa lucut ngarannya kulakakan

Himung hati guring bahampar wan kakanakan

Apalagi mun talihat ratik kalambu guringnya bapalukan

 

November 30 at 00:03am

 

Duit singkip ngurang nguring

Bapadah baduit ngarannya mangaramput

Mata mangantuk handak taguring

Hawa dingin nyaman basalimput

 

November 29 at 10:51pm

 

Ba’isi ngaran ngalih disambat

Babaju biru buruk mandangur

Kada tapi talihat mun sakalibat

Barambut palsu manutupi lungur

 

November 28 at 1:43pm

 

maharit sakit muha takarisut

lain lagi wan istilah takaricut

purun banar kakawalan tatawa lucut

talihat si anang bajalan bakisut

 

November 27 at 10:47pm

 

parut lapar mangipung cingur

sakalinya kapadasan tasuit suit

rambut habis artinya lungur

kada papa lungur wal ai asal banyak duit

 

November 27 at 3:30pm

 

nasi balamak nasi lakatan,

salamat ba hari raya (haji) dingsanak sabarataan

 

November 17 at 9:01am

 

jarimanis jari talunjuk

tarasai makanan larang ulun manjalujuk

jaritangah jari nang manja

ulun katujunya makanan kampung haja

 

November 16 at 7:00am

 

bumbu dapur bumbu janar

jangan mamakai bumbu sambarang

bakaramput jar urang tu badusa banar

apalagi nang dikaramputi tu kawalan sorang

 

 November 14 at 9:15am

 

tulak ka gambut handak bahuma

liwat jalan rusak awak talambung lambung

mangganang nasikuning banjar pasar lama

untung pang wayah ini banyak jua di pasar lambung

 

 November 13 at 6:44pm

 

tulak ka pasar sajumput baniat babalanja

kada balanja baju pang tapi banyu ja sagalun

ulun bakawalan wan siapa haja

sudah sukur banyak nang handak mangawali ulun

 

kamarian jumahat hari ini saptu

isuk ahad samalamnya kamis

kakanakan wayah ini haur batawakan batu

imbah batawakan pasti pang ada nang manangis

 

 November 13 at 7:37am

Leave a comment

Filed under Uncategorized

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s