PANTUN BANJAR – ampun ulun sorang – May 2009

by Maria Roeslie on Sunday, May 3, 2009 at 8:11am ·

on May 02, 2009 at 11:18 pm

 

Iwak babanam adanya bawal

Manyanga saluang sakalinya hangit

Malam ahad manjanguki kawal

Kawal baranak di rumah sakit

 

on May 03, 2009 at 7:07 am

 

Baliuran wayah Pagi

Paling nyaman ma’isap katuyung

Ulun bangun pagi-pagi

Handak Tulak Bakunyung

 

on May 05, 2009 at 2:33 am

 

Sakit jantung sama wan manyamak

Di tamba’i kampung langsung baik habarnya

Tasandar taguring malajari anak

Mata sigar di garak bangun abahnya

 

Buah ampalam buah kuwini

Diincar ulih satua malata

Magin bakisah magin rami di pisbuk ni

Magin asik magin sigar mata

 

idem at 7:44 pm

 

hintalu iwak diulah paisan

gasan mambari rumah mintuha

rami banar batamuan bakuciakan

kada ingat lagi mun sudah tuha

 

on May 13, 2009 at 7:40 pm

 

Sangu sakulah duit salawi

Bajalan batis haja liwat di alang-alang

Awak uyuh bulik bagawi

Mambuka pisbuk sigar pulang

 

on May 15, 2009 at 10:47 pm

 

baramian bakumpulan

hati supan undur mara

parahatan acil julak bakisahan

kacar liur malihat sop mutiara

 

on May 16, 2009 at 7:45 am

 

bulik pasar manukar bawal,

bawal di ubar gasan mangawali makan,

payung tatinggal untung ada kawal,

kawal nang baik hati mamutik mambawa akan,

 

on May 19, 2009 at 4:24 am

 

kacar liur malihat rambutan antalagi

umpat manukar slawi ribu banyaknya malibuk

takajut bangun padahal balum pagi

langsung sigar mata taganang pisbuk

 

on May 22, 2009 at 10:34 pm

 

Tulak kapasar manukar bawal

Sakalinya banyak nang mahantup lais

Himung hati batamuan kawal

Harau sabarataan babungas bamanis

 

idem at 11:15 pm

 

Rumah bahari baisi nang ngarannya watun

Andakannya di muka lawang

Ulun himung ada nang manggani’i bapantun

Amun ulun haur ada jua nang manjaga gawang

 

on May 26, 2009 at 10:53 pm

 

Bakumpulan kawalan ingat bahari

Bakalahi basasambatan manyambati kuitan

Kaganangan wan bahari bamainan luncat tali

Kakanakan bagayaan bamainan saman

 

on May 2, 2009 at 6:28 am

 

Mananai banyu hibak balimpuaran

Malimpuar sampai licak palindangan

Bangun sungsung handak ba’pisbuk’an

Sakalinya banyak gawian balum tuntung mahadang

 

on May 31, 2009 at 11:36 pm

 

panjang tangan kada limpat sadapa

panjang batis limpat tanah malayu

himung hati malihat pangantin gagah wan bungas rupa

mudahan tuntung pandang wan ruhui rahayu

Leave a comment

Filed under Uncategorized

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s