PANTUN BANJAR -(ampun ulun sorang) – Maret 2011

 

by Maria Roeslie on Saturday, April 16, 2011 at 11:35pm ·
 
 

tumbuk baras tumbuk di lasung

galapung baras gasan gaguduh tiwadak

harau dasar nyaman bulik sungsung

rasa sigar awak wan mata manjanak

 

March 15 at 6:49pm

 

untung sampat mambanting stir

manggisit tarumpak taruk gabah

kanapa lah hari ini ulun pina kulir

akibat bangun malandaukah?

 

March 13 at 5:34pm

 

Hayu bataruhan kalah bahambin

nah kada babawaan sakalinya sidin

 

March 13 at 10:08pm

 

ular sawa di bawah kambang

amun kawa dititip akan jua pang🙂

 

March 13 at 10:05pm

 

warik hirang warik bamban

tulak ka kampung naik jukung

rami bakumpulan bamakanan

babila jua kah ulun umpat bagabung

 

March 13 at 10:02pm

 

untung sampat mambanting stir

manggisit tarumpak taruk gabah

kanapa lah hari ini ulun pina kulir

akibat bangun malandaukah?

 

 March 13 at 5:34pm

 

basalimut tasingkukut

awak rasa ringkut

ulas tilam tahambur

apamun malambur

 

 March 13 at 9:56am

 

** kada talihat duit saribu

gawian dibawa ka kalambu

 

bau acan bau haruk

dasar kabiasaan buruk

 

anak amang bahingusan

gawian pang kada sing habisan

 

tulak ka campaka umpat mandulang

amun gawian habis batangisan pulang

 

March 13 at 10:18am

 

tih lapas wadai karing

jadi napa nang dimakan umanya

harau kanyamanan guring

bangun malandau ulun sakalinya

 

March 13 at 9:17am

 

urang bungas gulang galik

raja muha raja gaya

amun acil sudah sarik

pikiran sidin ka parang maya

 

March 12 at 11:21pm

 

palui dikanal matan zaman bahula

banyak paminat sampai sidin mariga

ulun handak umpat manapak bula

apamun lawas kadida baulahraga

 

 March 12 at 7:45am

 

Tacucuk tulang rahatan mangilaw

Pintar banar pian amun mangabuaw

Ampun ulun handap ampun pian panjang

Jangan bapikiran purnu amun masih bujang

 

March 12 at 1:06am

 

Mamanin banih manumbuk baras

Ujar urang kada bulih pian tatap mangaras

Mangidam jagung nang ada tarung

Ulun kada umpat-umpatan lah mun galuh manggaraung

 

March 12 at 12:59am

 

Manujuh bulan rami bamandian

Mamacah mayang nang handak balacuk

Kada purun ulun malihat pian

Dulu maharu haru wayah hini mati pucuk

 

 March 12 at 12:55am

 

Tadi kadap wayah hini tarang

Handak mamanggang bacarian harang

Ulun di sini pian di subarang

Cari akan pang hintalu karuang

 

March 12 at 12:44am

 

Kahandak hati manimpas nyiur

Tatimpas basi habisam simpak

Lapah batis ulun bahunjur

Lapah batajir ulun tahantak

 

March 11 at 11:44pm

 

Kaingatan bahari basimpan duit di cilingan

Sakali dipacah isinya hanya sajampal

Tuhuk jua ulun bamainan kalayangan

Manjuluk kalayangan pagat sampai maulah gasan dijual

 

March 11 at 11:03pm

 

Lagi halus bamain kalikir

Sudah ganal maudak intirnit

Dasar si udin masih ja pina gair

Disasahi binian bukah mancaricit

 

March 10 at 10:59pm

 

Manunggang mutur pina darudutan

Talihat si bungas batajir di pagar

Dasar bakurinah si aluh manulaki pian

Apamun pian mahambur janji banar

 

March 10 at 10:56pm

 

Acil ijum baduduk di jumbatan

Wan batis bajuntai sidin malamun

magin kada karuan rasa magin parak batamuan

himung banar kada sakira hati ulun

 

 March 10 at 10:45pm

 

karupuk undang karupuk gumbili

amang ijul nang mahadang galuh nang diambili

dicabut sampai ka akar diputik gasan dimakan

nang langkar jua nang dihatiakan

 

March 9 at 11:33pm

 

bincul dahi tahantup mantakup

apamun bagayaan sambil batutunjulan

anak mangantuk sampai talukup

tatap dihangkut apamun kalaparan

 

March 9 at 11:14pm

 

takajut nanang sampai galagapan

apamun si galuh mangiau minta diurut

silau mata matan balikpapan

apamun hibak mutur bajurut jurut

 

March 9 at 7:29pm

 

kahandak babungas tulak ka salun

talihat tarip bayaran lalu manggatar

tarima kasih kawalan nang suka wan pantun ulun

tapi ulun himung jua amun pian bakumintar

 

March 8 at 11:14pm

 

banyu jaranih babuat tawas

tawas dirandam diudak wan tangan

untung ja tulak kada lawas

isuk sudah bulik ka palindangan

 

March 8 at 11:06pm

 

galuh banjar hibak wan pupur

bakasai pupur sambil bajualan

aduh sakalinya baju guring kada tabuat di kupur

labar am pacangan guring babaju jalan

 

March 8 at 10:56pm

 

taliur ulun tacium kuini

 

kuini dikuyak pina lamah

pina lancar bapantun ulun malam ini

apamun ulun karindangan wan nang dirumah

 

March 8 at 10:49pm

 

tulak piknikan mambawa iwak karing

piknikan ka wadah panangkaran buaya

tatamu urang di lip pina takurihing

ulun kira kanalan bahari sakalinya dasar muha nya

 

 March 8 at 10:46pm

 

titik liur talihat lala’an wan jaring

lakas basinggah takutan warungnya tutup

takajut tabangun rahatan guring

mandabuk bunyi lawang montor ditutup

 

March 7 at 2:01am

Leave a comment

Filed under Uncategorized

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s