PANTUN BANJAR – ampun ulun sorang ( Maret 2010 )

 

by Maria Roeslie on Thursday, March 4, 2010 at 8:56pm ·
 
abah nya uma nang bakumis, 

makan lontong sayur nang batumis, 
harau tu kada tarasa hari kamis, 
wayah nya ulun baromantis
March 4 at 8:54pm 

batis tangan barasa kaku, 
amun jarang digarak akan, 
hayu bajalanan ka wadahku, 
nyaman ku hadangi kita bagadangan

bapuputik basisimpun, 
imbah simpun tahambur pulang, 
parcuma minta maap minta ampun, 
amun tingkah laku diulang-ulang
Fri at 11:54pm – March 05, 2010

ganal awak ganal bigi,
ganal tangkai pada sapu,
tarasa nyaman handak lagi,
walau hati rasa tatipu
March 5 at 11:01pm

ulas tilam tahambur pulang,
habis dilincai kakanakan,
parangai baik bagus ja diulang,
biar dicontoh wan kakanakan
March 5 at 11:01pm

dimuara lawang ada watun,
wadah bakisahan malalantur,
padahal hati handak ja lagi bapantun,
tapi mata kada kawa dibawa ba’atur
March 5 at 11:11pm 

daun nyaman daun kalakai,
dimasak mama gasan ulun, 
talambung tahantak ulun julak ai,
Pian pang talalu ma’ambung ulun
March 8 at 8:59pm 

pais pisang pais gumbili,
hamparan tatak wadai andalan,
pian-pian nang handak tulak ka bali,
jangan tatinggal wan kakawalan
Mon at 11:57pm – March 08, 2010

mun kaingatan gumbili bajarang. 
kaingatan jua wan sambal acannya,
kada kawa ulun umpat wan urang urang,
amun duit pas pas’an babayanya..

Talihat lamang kaingatan cingkaruk, 
Handak ba’anum rambut dikarul,
Hatiku gamang mamakan karupuk, 
Apamun hibak manumpuk nang bangaran kulistarul
Wednesday at 7:41pm – March 10, 2010

Main cirak main kalikir,
Bahujan bapanas tabantaian,
Ui julak jangan talalu kikir,
Kalu pina duit manindihi pian.
Thu at 11:26p – March 11, 2010

Galapung baras kah galapung gandum kah
Mun manyanga gaguduh kaduanya pang
Nyaman bungas kah nyaman langkar kah 
Manurut akan hati kaduanya pang

Hayu kita tulakan ka dipot is
Manginum is lawan salasih
Ampun maap kawal jangan manangis
Apamun kaina kita pasti tasalisih
March 12 at 5:41pm

habang hijau kotak kuning
ampat galuh banjar bungas bungas
nang kaya padi makin tuha makin kuning
pantas haja laki makin hari makin puas

abah anang tulak ka pasar
handak manukar tali salawar
sasak hidung tacium papuyu ba’ubar
maharit liur badiri tasandar
March 12 at 9:53pm

pahadangan parut lapar balum taisi
manginum tih lapas wan wadai karing
muha takarut babayar taksi
mangganang kantung bakalan karing
March 13 at 10:57p

Biar jauh dari kampung ulun tatap urang banjar
Banjarbaru kah Martapura kah Banjar jua ulun
Ulun umpat bagabung kalub ini ulun umpat balajar
Mudahan pian pian sabarataan manarima ulun
March 14 at 1:00pm 

hamparan tatak ulun dandaman
bingka barandam kasukaan abahnya
asa ta’ambung ulun dihati akan
ulih nang ampun kalub pambungasnya
March 14 at 6:22pm 

lapah manyiang pahumaan rami tabantaian
amun dibiarakan sama wan padang sabat
kada wani ulun ma’ambung pian 
itu kanyataan haja nang ulun sambat
March 14 at 11:03pm 

kaingatan kaganangan bailang ka karamat
bailang ka rumah kawal nang bangaran si bahri
dasar harat kawalku daripada jimat
ngaran sidin disanjung urang bahari hari
March 14 at 11:32pm

maulah pantun nang panting wani,
sama haja bapandiran wan bapantun,
harau rami banar pian pian ni, 
sakalinya pintar banar marangkai pantun
March 15 at 7:12pm 

babalas pantun kadida nang salah
nang panting kada marugiakan kakawalan
kadida nang manang kadida nang kalah
nang panting kita baramian bagayaan
March 15 at 8:15pm 

datu mahdie datu gusti wan datu edi sabarataan
ampun maap ulun kada kawa manyambung lagi
bulik bagawi langsung bapisbukan kada sing mandian
wayah ini ulun handak tulak ka mul manggani’i kakanakan lagi
March 15 at 8:23pm 

Leave a comment

Filed under Uncategorized

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s