PANTUN BANJAR – ampun ulun sorang – Mar 2009

by Maria Roeslie on Wednesday, April 22, 2009 at 8:27pm ·

 on March 14, 2009 at 12:17am

Kunang kunang kirap kirapan
Inya hinggap di puhun padi
Handak batunang harap harapan
Handak baipar kadamun jadi

on March 15, 2009 at 12:28am

malam jumahat harum kamayan
malam minggu urang bajalanan
ui kakawalan samunyaan
lakasi pang kita bapantunan

Mambuang ratik jangan mambarang
Kaina rigat kampung halaman
Sanyaman-nyamannya makanan urang
Paling nyaman di kampung halaman

on March 16, 2009 at 11:52pm

Jalan jalan ka kota Tanjung
mancari langsat buah nang manis
mata mangantuk lamun hati himung
tatamu kawalan di pasbuk nang laris

on March 18, 2009 at 12:29am

buah katapi banyak di marabahan
buah ampalam diulah manisan
tiap malam kita ba’unlin’an
tatamu kawalan ba’riuni’an

maunjun iwak di jumbatan
sambil bakicap mangunyah wadai
pantun banjar budaya kita sabarataan
kalu kada kita nang ma’lastari’akan siapa lagi julak’ai

on March 19, 2009 at 7:53pm

Sapat karing di palataran
Disanga umanya gasan abahnya
Ulun supan wan pian sabarataan
Talalu di”ambung kalu tahantak kaina

Iwak saluang ranyah rasanya
Dipasang’akan lawanlah gangan
Kalu pian-pian handak marasa
Ayupang bulik daripada hanya mangganang

on March 21, 2009 at 2:32am

Buah kuini manis rasanya
managuk liur mancium baunya
Talalu asik ulun be’Pasbuk’an
kada tarasa basubuhan

on March 22, 2009 at 3:02pm

parut lapar sarabi diganang
pasar pal 7 banyak sarabi
batis singkal hati sanang
sambil bajalanan manyalurakan hobi

on March 25, 2009 at 12:04am

jalan-jalan di pal sambilan
kacar liur talihat gulali
uuuuuiiiii pian samunyaan
hancur palindangan habis di gali.

on March 26, 2009 at 9:50pm

Hibak kacua bahamburan
kacua dihalau wan kapur barus
Liwat Pisbuk kita ba’riuni’an
maulah ulun barasa anum tarus.

on March 29, 2009 at 1:06am

buah kadundung bijinya basabut
buah mangga bijinya basabut jua
umai umai jangan pang umpat habut
sudah calig nang habut kita jangan umpat habut jua..

on March 31, 2009 at 7:49pm

ampalam masak manis rasanya
ampalam mantah diulah jarukan
jangan malamun hayu pang bakarya
mambangun banua kita sabarataan…

Leave a comment

Filed under Uncategorized

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s