PANTUN BANJAR (ampun ulun sorang) – JULI 2011

 

by Maria Roeslie on Monday, August 1, 2011 at 12:17am ·
 
Utuh bagadang tabangun imbah bada

Takajut bangun kada sing bamandian

Ui dingsanak  sabarataan dimana haja ba’ada

salamat bapuasa mudahan tuntung sabulanan

 

July 31 at 10:46pm

 

Duduk santai duduk di watun

Makan wadaikaring wan tih lapas

Ulun himung banar mun Gion Lan bapantun

Pantunnya mantap wan isinya pas

 

July 31 at 10:33pm

 

Harum manampur si buah durian

Padahal durian hasil paraman

Badadai  dari mul sampai ka tapian

Kalu pang tadapat dingsanak dandaman

 

July 30 at 6:11pm

 

Satia itu larang

Labih larang lagi kajujuran

Amun julak adit sudah bagarang

Artinya sidin bujur bujur kamuaran (adit)

 

July30 at 5:57pm

 

Bulan puasa ka pasar wadai

Manukar niur barang sabigi

Malam minggu ulun basadai

Umpat jua nangkaya abigi

 

July 30 at 5:53pm

 

Malam purnama timbul bulan

Hari kadap jadi tarang banar

Akhirnya mancungul jua si Giok Lan

Apamun talihat pantun bamamai banar

 

July 30 at 6:27pm

 

Nasi kuning soto banjar ,

Kawalnya sati daging sapuluh bilah

Handak kamana pian bilang mahajar

Biar tulak sabulan ingati bulik lah

 

July 30 at 5:50pm

 

Takumpul marina bamakanan

tulak kakawinan basaruan

Haur bamainan haja kakanakan

Kada balajar nilai kada karuan

 

July 30 at 5:45pm

 

Tumbuk baras tumbuk di lasung,

ditumbuk sampai jadi galapung,

malam ini ulun handak guring sungsung,

isuk subuh handak bulik kampung

 

July 29 at 9:32pm via Facebook Mobile

 

udin wan utuh bahadu taguh,

taguh dikiau kada balantih,

bola bulat kada kawa ditangguh,

daripada batangguhan labih baik bujur bujur balatih

 

July 28 at 10:16pm

 

Sakit mata tasampuk sinar

Sudah dipadahi pang masih maucil

Uiii acill nurda nang langkar banar

Rindu awan siapa jua pian cil

 

July 26 at 11:35pm

 

Galuh mangidam iwak balanak

Handak mamais manukar bawang

Jangan kasungsungan mamadar dingsanak

Kalu pina di tawa akan lawang

 

July 26 at 12:05am

 

Mangucup katuyung sampai mariga

Sambil maingkut kambang mawar

Julak bini pina tabingung dihiga

Talihat laki  mamingkut tali salawar

 

July 27 at 12:01am

 

Batu cincin batu akik

Jangan asal ditukar mun kada tapi kana

Hau kanapa dingsanak mangalikik

Ada nang manggalitikikah di sana

 

July 26 at 11:55pm

 

Tulak basubuhan matan dusun

Bajalan balarut banyak jua nang kanal

Taharu ulun malihat  si Asun

Apamun batali salawar raja ganal

 

July 26 at 11:52pm

 

Dasar sidin magin bapintar

Ada haja alasan bamanja manja

Mandangar awak rakai lakas dingsanak bakumintar

Padahal ulun kakisahannya haja

 

July 26 at 11:49pm

 

Nyaman ulun mangulum gulali

Rasa ma’unyut kada kawa ditawar

Kanapa jadi si Asun manggambar tali

Tali halaran kah tali salawar

 

July 26 at 11:44pm

 

Sakit mata tasampuk sinar

Sudah dipadahi pang masih maucil

Uiii acill nurda nang langkar banar

Rindu awan siapa jua pian cil

 

July 26 at 11:35pm

 

Magin tuha sidin magin ganas

Padahal rancak jua sudah ditampalaki

Salamat baulang tahun joel bungas

Maginh bungas magin banyak rajaki

 

July 26 at 11:28pm ·

 

Bakalikir bamain cirak

Bajungkitan gugur mandabuk

Awak rasa rakai tapi mata nyarak

Apamun rami banar bakisahan dipisbuk

 

July 26 at 11:18pm

 

Baik bagawi daripada babapinta

Biar duit dikantung hibak tarus

Amun dingsanak Yoyok nang maminta

Pastilah ulun bapantun tarus….

 

July 26 at 1:23pm

 

Waluh putih waluh bajarang,

Amun dibiarakan lakas bangas,

Bawa batajir bawa batarang,

Biar talihat galuh banjar nang bungas

 

Gangan santan gangan umbut

Disadi akan wan iwak bapanggangan

Kacar liur kaganangan itik di gambut

Untung sampat basinggah satumat pas ka lapangan

 

July 25 at 11:41pm

 

Acil subalah babaju habang

Julak subarang maitihi kada sing ampihan

Kalawasan mahadang kapal tarabang

Tatamu taci bungas nang rancak bapisbukan

 

 

July 24 at 11:46pm via BlackBerry

 

Hari minggu hari parai

Mandi banyu kambang bagalun galun

Kasadakan ulun umanya ai

Rasa ada nang manggawil ngaran ulun

 

July 19 at 11:34pm

 

Simpan di kulkas biar lakas baku

Bujur kaku karas banar

Asli bungas  Herlinda kakaku

Magin lawas magin basinar

 

July 16 at 11:48pm

 

Pikiran julak Asun lagi mangawang

Mamikirakan bini nang mulai masak

Amun Lanny tadapat lawan bidawng

Bukah bidawang takutan dimasak

 

July 16 at 22:33 – Blackberry Group Papadaan

 

Lagi halus udin malas balajar

Sudah ganal magin jarang

Acil Lanny asli banjar

sidin suka makan undang bajarang

 

July 16 at 22:04 – Blackberry Group Papadaan

 

si aluh haur basasimpun basasapu,

si anang haur mahamburakan,

malam ini malam nispu,

salamat bapuasa dingsanak barataan

 

July 16 at 5:06pm via Android

 

Hamparan tatak pisang wadai batalam

Kada tarasa pasar wadai sudah di hadapan

Nyamannya iwak asin talang masak asam

Umpat kacar jua ulun di parantauan🙂 (mona)

 

 

 

Padahadangan mangukut nasi di dandangan

Ulun mangipung iwak saluang karing

Saking uyuh haur baganangan

Lakas ditulaki haja biar kada ngurang nguring

 

July 13 at 9:14pm

 

Mun bakalahi julak bini baigutan

Julak laki mahawar sambil takurihing

Uiii umanya abahnya bubuhan sabarataan

Sudah kah pian pian bangun guring

 

July 13 at 4:15am

 

Buah samangka buah salak

Amun ditungap asa manuman

Tabangun basubuhan mata tabincalak

Langsung mambuka kumputer bapisbukan

 

July 13 at 4:08am

 

Amun baguguring wan minyak lanjar

Harum manampur biar di laut

Himung ulun mun bapandiran banjar

Apalagi mun kakawalan umpat manyahut

 

July 12 at 11:02pm

 

Julak mangidam lupis baharianan

Ahirnya kahandak sidin takabul jua

Ulun kagum wan usaha pian

Manganalakan pahlawan banua

 

July 12 at 3:06am

 

Puas julak bakuliling di pasar malabar

Akhirnya tadapat jua wan lupis sakarat

Taharu ulun malihat pian bagambar

Lawan  lukisan lambung mangkurat

 

July 12 at 2:49am

Rami bakumpulan bubuhan urang

Tacangang tanganga talihat duit salawi

Ulun pamit handak guring pulang

Isuk handak bangun sungsung bagawi

 

July 12 at 2:29am

 

Basalamatan wan lakatan sakarat

Nang panting doa bubuhannya

Supan ulun mun dipadahan harat

Kaina nang pamantunan maraju dapatnya

 

July 12 at 2:25am

 

Taharu ulun basah mata

Padahal nang bagawian takanal manja

Ujar pian ulun badusta

Padahal ulun mangaradau haja🙂

 

July 12 at 2:20am

 

Rumah handak tuntung wadah idaman

Baramian jua mambarsihakan bapaputik

Takutan ka duktur batangah malaman

Kalu pina sidin mangantuk tasalah suntik

 

July 12 at 2:13am

 

Baramian wan bubuhan bakarubutan

Kada tarasa mun digawi tatarusan

Ulun babangun matan pandaringan

Mangikih ubat gasan ditaguk rakungan

 

July 12 at 2:10am

 

Mambangun rumah manumbuk galam

Batukang sorang haja apamun duit babayanya

Takajut tabangun tangah malam

Awak pina kada tapi nyaman rasanya

 

July 12 at 2:04am

 

Lalakiannya pina lamah gamulai

Babiniannya garigitan bakuciak tarus

Taliur acil idah malihat gangan di barabai

Lalu bamasak mangaluarakan jurus

 

July 11 at 7:14pm via BlackBerry

 

Wadai cakui wadai cucur

Iwak baung iwak lais

Harau asa nyaman banar liur

Bamimpi mangipung wanyi bapais

 

July 11 at 8:19pm via Android

 

Sungsung nini mangganang cucur

Tapaksa ka’i mahagai di warung subalah

Hibak antrian urang bahunda wan bamuntur

Asing asingnya mahantar anak sakulah

 

July 11 at 7:30am

 

Dasar di nanang wan si galuh bajuduh

Biar jauh saling manggantung

Sabuting kursi sama wan sajuta gaguduh

Mun haraga sabuting mija kada bisa ulun mahitung

 

July 10 at 6:52pm

 

Ayam bini ayam kampung

Diulah soto banjar di wadah si amat

Mapia pamilu  bakaliaran jua di kampung

Mintukah wal ujar pangamat

 

July 10 at 6:08pm

 

Batu cincin batu bara saraba batu

Amun batu asahan gasan manajami lading

Bujur ding ai kaluarga itu numur satu

Kaka sapandapat jua  wan ading

 

July 10 at 5:56pm

 

Himung si galuh duit manggarasak

Hanyar bajual tanah nang baisi batubara

Mun ulun batulakan tarus liur jadi rusak

Awak balamak baganal kada sakira

 

July 10 at 5:43pm

 

Rami banar nanang wan utuh bamasakan

Bamakanan baramian batambah akur

Nyaman banar rasanya di palidangan

Kawa puas bamalasan malingkur

 

July 10 at 5:21pm

 

Julak bagawi banar basasimpun

Acil manjahit baju wan manjalujur

Amun babuat salah lakasi minta ampun

Jangan sampai kuitan tabujur

 

July 7 at 7:51pm via BlackBerry

Leave a comment

Filed under Uncategorized

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s