PANTUN BANJAR (ampun ulun sorang) – JANUARI 2011

 

by Maria Roeslie on Tuesday, February 8, 2011 at 11:19pm ·
 
bahancap manungap mi kuah panas,

luyuh muntung dapatnya kalaparan,

amun anang acil bajualan saraba ganas,

bukahan tu pang dapatnya langganan.

 

January 30 at 10:52am via BlackBerry

 

Sayur lalapan saraba daun,

kada kawa mun dicampur kuwini,

biar kada tatulis pantun si Asun,

asal umpat bakumintar haja sudah himung bubuhan sini

 

January 20 at 10:20pm

 

warik bungas warik bakantan

mun kada tahu nang hidung habang

satuju ulun kada bulih sarik apalagi garigitan

mun sarik jua ulun kirimi kambang

 

January 19 at 10:18pm

 

Biar tangah malam mata mancalung

Biar batis tasalahu awak tabantay

Malihat Lani wan Gani bapantun ulun himung

Ayu Tjung Fung kita mambalas baimbay

 

January 19 at 9:46pm

 

Biar tangah malam mata mancalung

Biar batis tasalahu awak tabantay

Malihat Lani wan Gani bapantun ulun himung

Ayu Tjung Fung kita mambalas baimbay

 

Januari 19 at 9:46pm

 

Iwak Pipih nyaman diulah karupuk

Ubur ubur diulah salad tujuh rasa

Himung ulun asa tajalupuk

Mambaca pantun Lanny kada karuan rasa

 

January 18 at 10:26pm

 

Matan banjar ka samarinda liwat gambut

Jangan kada ingat basinggah di martapura umpat mandulang

Sudah dua kali ulun diurut

Kayanya isuk harus diurut pulang

 

January 18 at 9:53pm

 

Gangan humbut kawalnya sambal acan

Nasi panas wan batis batalimpuh

Makan barabut himung barataan

Apalagi ditambahi wan gaguduh

 

January 18 at 9:40pm

 

Amun kulir ka batang timbay haja ke wadah ulun

Kaina ulun ma’anjurakan ka wadah acil subalah

himung banar ulun mun pian hakun

Ayu kita bapantun sambil humpimpah

 

January 18 at 9:34pm

 

Ujar kai mun makanan bahabaran

Nyaman sidin manyiapakan tapih bahalay

Rami banar makananan sakaluwargaan

Makan baamparan duduk di lantay

 

January 18 at 7:22am

 

Mamanggang iwak mancari harang

Harang nya tatindih tapaksa dicaluk

Bujur nyaman ayam bajarang

Apalagi mun lawan kicap asin balumbuk

 

January 18 at 11:20pm

 

Manukar wadai naik garubak

Tasinggul sapida bunyinya gadaguy

mun sudah dimasak kirim akan ka wadah dingsanak

dingsanak nang di samarinda lah uy

 

January 18 at 11:14pm

 

Wadai cingkaruk wadai cucur

Mamasaknya wan kayu galam

Amun pian pian kacar liur

Lakasi isuk ka pasar manukar hayam

 

January 18 at 11:07pm

 

Haur bamainan sampai bada

Hibak palindangan wan gandang lawa

Loco banar adingku si Ida

Tapancar banyu mata ulun tatawa

 

January 18 at 4:32pm

 

Uma abah wan kai nini

umpat bakajal sampai sasak

Loco banar adingku ini

Urang bapantun dipadahannya rasip bumbu masak

 

January 18 at 4:28pm

 

Uyah sahang gula habang

Laos tipakan jahi janar

umai nyaman banar ayam bajarang

karik mun uma abah bakipung banar

 

January 18 at 4:10pm

 

kapingin pincuk nang liwat tahu

rila haja ulun mahadangi di jumbatan

gara-gara tapalicuk ulun tasilahu

sudah diurut kada sing baikan

 

 

 

Hibak batajir lapat buras

Kada kawa kalain hati mun sudah tajapay

Bujur ujar si Yuni nang bungas

Sakali bubuhanya tampil urang langsung takipay

 

January 16 at 2:07pm

 

Tulak ka martapura handak mambulantik

Basinggah di kabun binatang handak malitan bakantan

Mun pacang hujan amas di banjar lakas ulun babulik

Tapi mun cagar hujan batu lakas jua ulun mahangkut kuitan🙂

 

January 14 at 10:15pm

 

Lagi halus bamainan gasing

Sudah ganal batawakan batu

Putih kuning kulit si aying

Maulah urang pitran manyasah ka pal satu

 

January 14 at 9:11pm

 

 

Matahari pagi tatutup halimun

Julak mangupi sambil tasandar

Tarima kasih Tuhan ulun sungsung bangun

Awak sigar pikiran sigar

 

January 14 at 7:16am

 

Bujur haja Amun lakian kada baduit binian kada hakun

Apa mun pacangan anak bini dibari makan dabu

Ulun ni suka haja babalas pantun

Tapi ulun suka pantun nang kada bacalubu

 

January 14 at 7:04am

 

Pian tu haur bulak bulik ka pasar

Batutukar tarus banyak pang duit

Ulun wan sidin tuhuk dah bahahar

Ka sana kamari kami saling mahirit

 

January 13 at 11:20pm

 

Pian bajalanan tarus ka pasar

kada sing uyuh kah pina balinjang tarus

Nang di sabalah ulun nih baik banar

Sidin tahu haja bininya lurus

 

January 13 at 10:36pm

 

Maulah gangan batambah janar

Ba’anggar jua pang biar kada tarasa kalas

Malihat pian pina tugul banar

Matan kalambu ulun mambalas

 

January 13 at 10:24pm

 

Matan pahuluan tapai dihambin

Biar uyuh asal hibak cilingan

Bujur jar pian julak Wahyudin

Kuitan nya surang gin sudah ba’angkat tangan

 

January 13 at 10:04pm

 

Piring mangkuk sinduk galas

Wadai cucur dan timpi tahu

Sambat akan sampai jalas

biar sidin bujur bujur bujur tahu

 

January 13 at 8:09pm

 

Duduk di palataran mamilih lakatan

Apa mun dimasak takutan balantahan

Tuhuk ulun mancariakan

Nang ampun diri kada sing garakan

 

January 13 at 9:35pm

 

Hibak bisul duduk ma’anggal

Alahan pada disangat halilipan

Kaganangan wan kawal nang dugal

Sampai wayah hini masih kayapan

 

January 13 at 7:46pm

 

Manampi baras lawan nyiru,

Baras ditampi sampai barasih,

Ayu dingsanak kita manyambut tahun nang baru,

Jangan sampai baisi duit hanyar kawa gasan manukar ulatih

 

January 12 at 11:26pm

 

Nini maitihi kai sambil manciling

Sampai tagitir gitir mata tabulalak

Himung ulun malihat si Lanny takurihing

Biar dihimung akan sampai dulak

 

 

 January 12 at 10:30pm

 

Bangun sungsung awak sigar

Tulak ka batang langsung bacabur

Talihat julak di higa jamban tasandar

Apamun Batang banyu licin sidin tadungsur

 

 January 12 at 7:11am

 

Rami bacungkungan mamadar baung,

Parut lapar sampai taliur liur,

Singgah di wadah pian umpat banaung,

Tapijim tabincalak takajut walau mata kaur

 

January 8 at 12:19am

 

awak kurus kawa bacungkung,

awak lamak kawa basandar,

ulun bahayau mamutik kangkung,

tuntung manyanga ulun mamadar

 

 January 7 at 8:55pm

 

Undang bajang nyaman dijarang

Apalagi nang kalatikan

Wayah ini Lanny putih tarang

Kada pinandu ulun mun sakalibatan

 

January 7 at 8:20pm

 

Mandi di batang kada bagayung

Bacaburan dari kapal nang malabuh jangkar

Biar umur 46 tahun kawalku Tjung Fung

Magin babungas magin balangkar

 

January 6 at 2:38pm

 

Minyak lamak minyak lanjar,

Manyanga iwak sampai bada,

Rasa hanyar banar sampai ka banjar,

Sakalinya isuk harus bulikan ka Samarinda

 

January 2 at 9:26am

Leave a comment

Filed under Uncategorized

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s