PANTUN BANJAR (ampun ulun sorang) – Februari 2011

 

by Maria Roeslie on Sunday, March 6, 2011 at 7:04pm ·
 
kada kawa jadi doktor barang’ai jadi mantri

mantri suntik banyak baisi jarum julak ai

handak babungas hakun ja ba’antri

asal kaina jadinya luar biasa wal ai

 

February 27 at 3:49pm

 

 

kaganangan bahari katuju malumu gulaan

tatamu gula gait himung kada sakira

asa iri malihat urang bakawinan

handak jua nah ulun banustalgia

 

February 27 at 7:16am

 

 

buah langsat buah duku

bunga mawar bunga melati

selamat pagi saudara saudariku

sabtu ceria telah menanti

 

February 26 at 6:56am

 

 

ka’i mangunyah wan gigi taring

amun kada nangkaya itu sidin kada kawa bamamakan

talihat jam takajut lalu handak guring

baisukan harus bangun maantar kakanakan

 

February 25 at 12:27am

 

 

sidin haur bautang pina takor

kalu baduit sidin ma’andak haja wan jukung

hanyar tuntung basasimpun maisi kopor

isuk pang handak mudik bulik ka kampung

 

February 25 at 12:23am

 

 

amun pina marigat pasti hibak kuman

kacuali dibarasihakan bahu mambahu

marasuk kasut kadada nang pina nyaman

apa mun batis ulun balum baik habis tasalahu

 

February 25 at 12:17am

 

 

maunjun kalabau tatangkap baung

apa mun maunjun kaparakan saraba takait

bingung ulun mampas’akan kakalung

apa mun baisi parhiasan saraba sadikit

 

February 25 at 12:12am

 

Ka’i bajalan bapingkutan wan nini

Pina masra banar sampai ada nang marangut

nyamuk lalakian kah nyamuk lanjikah ini

sudah jua kupandiri jangan mahurung apalagi maigut

 

February 22 at 10:30pm

 

tatingadah kapala talihat buah kundur

kalawasan batingadah panjanak mangadap

kanyamukan mahadang di wadah duktur

apamun tadi ulun tulaknya basalawaran handap

 

 February 22 at 9:48pm

 

Maunjun kalabaw buntal nang maigut…

Manangguk undang julung julung nang dapat…

Kada uyuhkah pian haur bakaramput…

Tatap haja matan bahari pian nih buntat…

 

February 21 at 10:41pm

 

Mangganang lapat lawan buras

Asal jangan mangganang lakatan

Uiii acil nang bungas bungas

bahapaan pian handak bacaburan

 

February 21 at 11:02pm

 

Bulik ka kampung malintas wadah bakantan…

Disasahi bakantan sampai tahingal…

Batamuan bakisahan kada sing ampihan…

Asal jangan bagayaan baujung bahual…

 

February 21 at 10:14pm

 

Bamasak nasi tacampur lakatan,…

Hari pang kadap asal tajuhut,…

Jangan talalu lawas julak batulakan,…

Kalu pina yang ditinggak akan dihurung samut

 

buat sahabat ku nun jauh di Medan – SL &SS di Tanjung

 

February 20 at 10:28pm

 

Buah sanggar buah pisang,…

Amun diulah lagu dimulai ampar ampar,…

Jar nang ahli manulis itu gampang, …

Ulun mancuba sakalinya tatap ngalih banar.

 

February 19 at 6:52pm

Leave a comment

Filed under Uncategorized

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s