PANTUN BANJAR – ampun ulun sorang (Desember 2010)

 

by Maria Roeslie on Saturday, January 1, 2011 at 10:27am ·
 
Tangan bagalang batis bagalang

Tuhuk dipadahi sampai munyak…

Hayu “Timnas” kita bahadu pulang

di wadah malaysia kita labuh Gul labih banyak…

 

December 27, 2010 at 6:45am

 

Liwat salibasan tacium harum kuini

Padahal ditaruh di wadah nang tahalang

Bujur banar jar taci ku ini

Mudahan panjang umur kita batamuan pulang

 

December 17 at 11:54pm

 

Bungas banar buntut iwak gapih gapih

Apalagi mun di taruh di wadah tarang

Nangkaya apa ulun handak ampih

Ulun himung banar wan bahasa sorang

 

December 17 at 11:40pm

 

Daun sop daun kamangi

Gasan bamasak manambahi nyaman

Himung ulun mun disambangi

Apalagi mun rami banar bakisahan

 

December 17 at 11:54pm

 

Puhun galam hidup di banyu

Dihiganya banyak daun kalakai

Kawal hidup harus rancak dirayu

Biar tuha tatap haja marasa tapakai – zul

 

Friday at 11:27pm

 

Kayu karas kayu ulin

Manumbuk ulin maulah tihang

Hampir saminggu ulun kada kawa unlin

Gatal tangan nangkaya digisang

 

 December 17 at 10:55pm

 

Nyiur panulak bala nyiur gampa

Ngalih dicari sampai ka disa disa

Ulun kadida manyambat siapa siapa

Kanapa pian bisa marasa

 

December 6 at 8:07pm

 

Batu habang batu bata

Tatap bata walau sampai kiama

tLuar biasa nang bangaran cinta

Apapun tatap haja tarasa nikmat

 

December 6 at 7:56pm

 

Amun luka dibungkus wan kasa

Amun lapar disumpal wan laksa

Garing awak sudah biasa

Garing hati luar biasa

 

December 6 at 7:47pm

 

Tatumbuk batu takujul kujul

Alahan pada disangat panyangat

Umai umai kasihan julak ijul

Biasa haja mun lawas tu kada tapi ingat

 

December 6 at 7:40pm

 

Pilih pilih ampalam hati hati nang bapira

Apalagi mun gasan dibariakan

Hari ini ulun himung kada sakira

Banyak kawal nang mamhatiakan

 

Mun kakanakan biasa haja wan ngarannya ingus

Rancak jua pang mun dihajar wan pikat nang balah

Kadu nang paling indah adalah du’a nang tulus

Apalagi mun sampai bubuhan banar banar ba’istilah

 

December 5 at 11:51pm

 

Tulak ka hutan niat baburu

Sakalinya baburu nang satunya…

Bujur jua jar pian tuan guru

Tapi ulun marasa tatap haja pambujurnya

 

December 4 at 12:31am

 

Kaganangan mauntal wanyi pacah di ilat

Kada pang tahu mun kawa dicampur wan iwak rabuk…

Sukur banar mun julak bini kawa dijilat

Amun ulun dapatnya bilang tatarusan batumbuk

 

December 4 at 12:23am

 

Urang bungas jangan bakuyu

Kalu pina jadi cingkaruk

Hayuja mudahan pian masih payu

Mudahan jua julak bini kada mahamuk

 

December 4 at 12:15am

 

Haruan babanam kawalnya katupat

Umpat manukar di kandangan parahat sanja

Amun tuan guru mimang sudah baniat

Ulun hanya kawa umpat maharit akan haja

 

December 4 at 12:00am

 

Iwak gangan iwak baung

Kada baingat sampai taigut batu

Lucut jua mun hari hari batingkaung

Kada bukah kah bini nang hanyar nintu

 

December 3 at 11:52pm

 

hari bakadap timbul sanja

lakas babulik mangayuh jukung

amun babini tu cukup saikung haja

kalu pina kaina bajalan batingkaung

 

December 3 at 10:55pm

 

Kambang bungas kambang taratai

Biar bungas jangan bagayaan manyalaya

Jangan duduk di batang bajuntai juntai

Kalu pina batis ditungap buaya

 

December 2 at 6:58pm

Leave a comment

Filed under Uncategorized

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s