PANTUN BANJAR – ampun ulun sorang – Apr 2009

 by Maria Roeslie on Wednesday, April 22, 2009 at 8:48pm ·

 on April 1, 2009 at 10:52pm

Haruan babanam manampur baunya
Sayur balamak kawalnya makan
Kurus salah balamak maginnya
Kurus kakurusan lamak kalamakan

on April 4, 2009 at 5:01am

rumah lawas rumah bahari,
himung hati pabila bisa mambagi kasih,
barakat pisbuk tatamu pulang wan kawal bahari,
tarima kasih pisbuk tarima kasih

on April 9, 2009 at 10:20pm

Julak bajakit pina garing
Dihadangi acil di rumah subalah
Tulak ka TiPiiS umpat man’cuntring
Lihati bujur-bujur jangan tasalah

Wadai apam matan Barabai
Wadai Babungku adanya di Banjar
Banyak nang man’cuntring babarang’ai
Banyak jua yang Golput jar

on April 12, 2009 at 4:51pm

Banyu sungai dibari’i tawas
Biar jaranih ditandak’akan
Amun tatamu kawalan lawas
Kada sing ampihan bakisah wan cakaka’kan

On April 22, 2009 at 7:48pm

batapas ulas tilam lawan kanji
dikalantang diatas rumput
sasar tuha sasar lanji
wani batampai dipasar sajumput

idem at 10:41pm

banyu pasang himung hati
takutan batajun hibak tunggul
utuh anang mangipas sati
gasan aluh langkar nang basanggul

On April 24, 2009 at 9:..pm

Banyu ba’arus bunyinya gamaricik
Tiwadak tahantak bunyinya mandabuk
Mata mangantuk Tangan mamicik
Karindangan wan Kawal di Pisbuk

idem at 9:48 pm

Acil wan Julak duduk bajarak
Hanyar basasarikan tapasan salibuk
Magin malam mata magin nyarak
Ada kawal bakisahan di pisbuk

idem at 10:21 pm

Pais Pisang Pais Gumbili
Wadai Banjar kadida duanya
Ayu pang ulun diambili
bakumpulan basaruan uma’ai nyamannya

idem at 10:28 pm

Baras Unus Baras Banjar
Nyaman banar diulah nasi guring
Guru mangajar murid balajar
Jangan pang kita taguring guring

at 10:52pm April 24 Jennie Arifin Order’s :

iwak sapat dijamur diulah iwak karing
liwat kucing iwak malayang
haur bapisbuk dandang nasi karing
untung ha bantal wan guling kada malayang

On April 25, 2009 at 9:57 pm

baju hanyar takait bungkas
apa mun bulang bulik saliwiran
malam ahad tarasa lakas
bagi pian nang lagi bapacaran

On April 26, 2009 at 4:07 pm

Rumah panjang rumah gadang,
Banyak urang nang mandiami’akan,
Barang lawas mahibaki gudang,
Labih baik dibarikan wan nang mamarlukan

idem at 11:22 pm

makan soto wan karupuk
karupuk haruan nyaman rasanya
Mun bahuma harus bapupuk
Biar panin banyak hasilnya

idem at 11:46 pm

Mamakai tapih wan salawar,
Banyak samut mancari sarang,
Hari panas bilang liwar,
Tapaksa mancari asi di wadah urang

On April 27, 2009 at 2:35am

Maunjun iwak tumatan pagi
Bacungkung duduk mahadangi
Bilang liwar banar panasnya tumatan pagi
Bajualan is payu banar rigi mahadangi

Acil aluh baduduk di palatar
Julak anang umpat mahadangi
Kuitan laki bini datang di pasar
Mambawa akan buah kuini

Manyanga iwak di rinjing ganal
Sakalinya katuhaan kahangitan
Umai umai anakku lakas ganal
Himung banar hati sabagai kuitan

idem at 8:33pm

wadai lapis wadai lapat
kopi pahit tih lapas
udin manangis handak umpat
kada handak babasuh batatapas

On April 28, 2009 at 10:21 pm

Julak Anang pina mahabis rambut,
Jar kabanyakan mahangkut batu,
Himung hati ulun gayung basambut,
Niat baik gasan guru didukung urang numur satu

On April 30, 2009 at 02:00 am

Hampalam anum diulah jaruk
Diputik matan muka rumah haja
Takajut tabangun dari mimpi buruk
Mudahan hanya mimpi haja

idem , 2009 at 08:47 pm

Lagi halus mandi bahujan baramian
Jalan pitran wadah ulun bahari
Ada pisbuk batamuan pian-pian
Hubi pantun ulun tasalar tumatan bahari

Leave a comment

Filed under Uncategorized

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s