PANTUN BANJAR – ampun ulun sorang ( Agustus 2010 )

 

by Maria Roeslie on Monday, August 16, 2010 at 7:52pm ·
 
Rahatan halus katuju ulun mandangar kisah bahayalan…

Apalalagi mun kisah jagauan batimpasan wan panjahat…

Himung ulun kawa babagi pamandangan wan kakawalan…

Mudahan kula sabarataan umpat himung jua mun malihat…

 

sop mutiara sop saudara…

liwat mahakam banyak batubara…

cintaku padamu selalu membara …

malabihi cintaku diwaktu dara…

 

Jar habar amun binian takumpul pasti karicauan..

Babida wan lakian nang diam saribu bahasa…

Biar ulun nih kada puasa nagkaya pian…

Tagal ulun umpat jua babuka puasa…

 

 

sop buntut sop tangkar…

ayam jago bai’si taji…

amun takumpul bubuhan nang langkar….

umpat himung jua ulun amun dipuji …

 

 

 

buah ampalam buah tiwadak…

wadai apam wadai gagodoh…

amun ulun sudah bakahandak…

apapun ngarannya dipadahakan dasar jodoh…

 

On Friday at                                                 – August 27, 2010

 

Naik ka hutan mancari paring…

Tatamu durian nang gugur mandabuk

Tapajam tabincalak mata handak taguring…

Tagal masih rami banar bakisahan dipisbuk

 

On Thursday at 11:24pm – August 26, 2010

 

Magin tuha, mata magin kaur…

Mun kalakuan makin tuha makin jadi…

Ingat puasa jangan managuk liur…

Kalu tataguk puasanya kada jadi…

 

On Wednesday at  8:18pm – August 25, 2010

 

iwak bungas iwak kalatau…

jangan disanga atawa dimakan…

banyak urang takutan marantau…

amun ulun himung banar batulakan…

 

On Tuesday at  12:37am – August 24, 2010

 

Buah mangga nang manampur harumnya bangaran kuini…

Amun durian masak gugur matan puhun bunyinya mandabuk…

Himung banar hati ulun hari ini…

Tatamu kawal bahari banar di pisbuk…

 

On Sunday at 2:07pm – August 22, 2010

 

bajalanan ka pasar gambut harau rusak baju takait…

maksud hati handak batabas haja sakalinya bakarul…

jar kawal ku kada bulih bapadah kada baduit…

kaina bisa bujuran kadida mun dicuntan tuyul…

 

Siang hari pina balincai banar malam hari guring kamiangan …

Biar pian bagaruk bahimat tatap ai kagatalan jua…

Gara gara si ‘Adul’ kada tapi tahan puasa saurangan…

Harau sapalindangan ‘dipaksa’ umpat puasa jua…

 

On Friday at 10:25pm – August 20, 2010

 

Tuntung sahur baniat tulak ka batang handak maringgi…

Sakalinya taguring pulang kadinginan subuh subuh…

wahai kawalan baik itu urang biasa atawa pajabat tinggi…

labih baik mancari kawal dari pada manambahi musuh…

 

On Friday at 7:11am  – August 20, 2010

 

tulak ka pasar manukar balanak…

pas liwat talihat hamparan tatak…

ada nang ngalih banar maulah anak…

ada nang sulur banar kada kawa tagutak…

 

On Wednesday at  8:44pm – August 18, 2010

 

Ulun Himung hari panas karing tapasan…

Apalagi mun manjamur tilam lakas ditapuk…

Ui urangnya lakasi umpat lumba tujuh balasan…

Ada lumba manaiki pinang wan makan karupuk…

 

On Tuesday at 8:44am – August 17, 2010

 

wadai bingka wadai has banjar…

amun hiwannya aja jua pang bangaran bingkarungan…

ulun nih lawas banar asanya kada ka banjar…

taganang bingka tapai asa karindangan…

 

Tulak ka saruan mangikih wadai, …

Parut lapar kada karuan, ..

.Kaingatan baharu di pasar wadai, …

Umpat jua batatukar iwak haruan.

 

On Monday at 6:50pm – August 16, 2010

 

Ulun tasarinding kakanyangan mahantup buras

Kaingatan bahari manukar buras haraga salawi

Biar ramadhan tarus ja bausaha karas

Kada lantaran puasa amun handak bagawi.

 

On Sunday at 3:08pm – August 15, 2010

Leave a comment

Filed under Uncategorized

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s